Plantun de Prouvènço

Pèr coumpara dos planto d'encò nostre

Echium creticum & Taraxacum parnassicum

Echium creticum

Boraginaceae

Nom en français : Vipérine de Crète.

Descripcioun :
Aquelo suçamèlo trachis dins li tepiero seco e lis éusiero sus sòu séusous. Se recounèis à si lònguis enflourejado e à si gràndi flour roujo que podon faire fin qu'à 35 mm de long. Li fueio de la baso porton un pecou. A la subsp. dóu nostre, ié dison creticum.

Usanço :
Couneissèn pas d'usanço particuliero pèr aquelo planto. Li flour dèvon èstre bono à suça coume pèr sa cousino. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Echium
Famiho : Boraginaceae

Ordre : Ordre pas nouma

Coulour de la flour : Roujo
Petalo : irreguliero
Ø (o loungour) flour : 20 à 35 mm
Flourido : Printèms

Sòu : Si
Autour basso e auto : 0 à 200 m
Aparado : Noun
Mars à mai

Liò : Pelouso - Éusiero
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Echium creticum L., 1753

Pisso-chin(-dóu-Mount-Parnasse)

Taraxacum parnassicum

Asteraceae Compositae

Àutri noum : Pisso-can, Pisso-au-lié, Mourre-pourcin, Cicourèio-de-prat, Engraisso-porc.

Nom en français : Pissenlit bai.

Descripcioun :
Aquéu pichot pisso-chin trachis dins li pelouso pulèu acido (qu'an perdu soun cauquié). Fai partie de la seicioun ERYTHROSPERMA, que coume lou dis lou noum à d'akène roujo. Se recounèis subretout à si fueio que fan de tros en triangle quàsi sènso dènt e sènso pichot tros entre (coume se vèi souvènt pèr li mourre-pourcin). Li bratèio, banarudo e remountanto deforo, soun soudado dedins. Regardo tambèn li petalo dóu deforo en cuié (fotò).

Usanço :
Coume pèr tóuti li mourre-pourcin èi manjadisso, pamens es uno planto aparado marcado sus listo roujo, categourìo LC, es à dire soucit minour.

Port :
Taio : 3 à 15 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Taraxacum
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms Ivèr

Sòu : Si (Ca)
Autour basso e auto : 600 à 2600 m
Aparado : Noun
Mars à jun

Liò : Pelouso
Estànci : Subremediterran à Subaupen
Couroulougi : Éuroupenco-Sud-Ouèst
Ref. sc. : Taraxacum parnassicum Dahlst., 1926

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Echium creticum & Taraxacum parnassicum

ges

Coumpara Suçamèlo(-de-Crèto) emé uno autro planto

Coumpara Pisso-chin(-dóu-Mount-Parnasse) emé uno autro planto